මතකද ඔයාට
අතේ ගුලිකර ඇවිත්
තෙල් බැන්ම උඩ ඉඳන්
මගෙ ගෙල පැලඳූ රත්තරං මාලය
දිලිසෙමින් කර වට
නිතරම අතගා බැලූ එය
කොයිතරම් ලස්සනද
නුඹ අතින් පැළඳුවාම
ඒත් දැන් ටික ටික
ගෙදර වියදම් එනවිට
නෙත ගැටුණි කර වට
නුඹ පැලඳූ රත්තරං මාලය
කිසිවක්ම කරන්නට
සිතාගත නොහැකි උන් විට
තද කරන් දුක තුනිව
සිදුවුණා මාලය තබන්නට උකසට
නුඹ තමයි මගෙ දිවිය
ආදරය නෑ අඩුව
පණ වුනත් දිය හැකිය
ප්‍රශ්න හින්දයි හෙම්බත්ව
සිත සිතා ඉන්න විට
කවුදෝ ඇවිත් පසු පස
"මිස් මේක ඉමිටේෂන් "
කියනවා විතරයි මතක...
- නවෝ.... ✍️ -
No comments:
Post a Comment