වරිග සභාව

                    සමාජයක පැවැත්මට අදාලව පවතින පද්ධතියක් ලෙස වරිග සභාව හඳුනාගත හැකිය. එය ලිඛිතව සටහන් කරන ලද නීතියක් හෝ ආඥාවක් නොවන අතර පරම්පරාවෙන් පරම්පරාවට පවත්වාගෙන එනු ලබන සම්මතයකි. සමාජ සංස්ථාව ආරක්ෂා කර ගැනීමට පැවති ක්‍රම අතරින් වරිග සභාවට හිමි වන්නේ සුවිශේෂී ස්ථානයකි.

නෑදෑකම් ඇති කරගැනීමේ අරමුණින් පමණක්ම නොව සියලු සමාජ පැවතුම්වල තීන්දු තීරණ ක්‍රියාත්මක කරනු ලබන්නේ වරිග සභාව මඟිනි. ඇතැම් විට වරිග සභාව ප්‍රාථමික අධිකරණ මණ්ඩලයක් ද වේ.

" වරිගයේ සාමාජිකයින්ගේ යහපත උදෙසා ජන සම්මුතියෙන් පිහිටුවාගත් සභාව වරිග සභාව වේ."

                                                                                        - දළු පොත පිටුව 10 - 

එනම් වරිග සභාව යනු එකම වරිගයේ ඇත්තන් එකට එකතු වී එම වරිගයේ පැවැත්ම උදෙසා සාමූහිකව සාකච්ඡා මාර්ගයෙන් තීරණ ගන්නා වූ සභාවකි. වරිග සභාවක් පිහිටුවා ගැනීමට නම් එකම වරිගයක් නියෝජනය කරනු ලබන අය එනම් ගොවිතැන් කිරීමෙන් ජීවත් වන පුද්ගලයන් පමණක් ගමේ වාසය කළ යුතුවේ. වරිග සභාවට රැස්විය හැක්කේ,විවාහක පිරිමින් හා වැන්දඹු කාන්තාවන්ටය.නමුත් තරුණයන්ට,කාන්තාවන්ට හා ළමයින්ට අවසර නැත.  

                         ජන සම්මතයට අනුව වරිග සභාව රැස් කරනුයේ පොදු දිනක ය.  පොදු දිනය යනු තොවිල් පහට රැස්වීමට හැකි දිනයකි. තොවිල් පහ වනුයේ, 

  

 💢නායක හාමුදුරුවෝ 

💢වෙද මහතා 

💢ගමරාළ හෙවත් විධානේ

 💢මහ හේනේ මාමා 

💢වින්නඹු අම්මා 

වරිග සභාව රැස්කිරීමේ වගකීම පැවරී ඇත්තේ මහා ගමරාල වෙතය. එහි තීන්දු තීරණ ගනු ලබන්නේ මහා හේනේ මාමාය.

වරිග සභාවේ විනිශ්චය කරනු ලබන කුල නඩු සම්බන්ධ නීති දාසයකි. එයින් කිහිපයක් ලෙස,

• වරිගයෙන් පිට විවාහය 

• කුලයට නුසුදුසු දෙයක් කිරීම 

• සැමියා මියගිය විටදී වෙනත් පුරුෂයෙකු හා රහසේ බැඳී ගැබිණියක වීම

 • හේතුවක් නොමැතිව යමෙකුට බැණ වැදීම 

• නැන්දාගේ දුව හැර වෙනත් ඥාති තරුණියක් හා එක්වීම.

මෙම නීතිවලට අදාළව පවතින දඬුවම් වන්නේ රිදී කාසි ගෙවීමයි. මෙම නීති වර්තමාන සමාජයට නොගැළපුනද එදා ග්‍රාමීය සමාජය තුළ පැවැති කුල ක්‍රමය සමග පදනම්ව පැවැති සමාජය පවත්වාගෙන යාමට ඉන් සහයෝගයක් ලැබුණු බව සමාජ විද්‍යාඥයින් පවසයි.

                        මේ ආකාරයට දඩ මුදල් ගෙවිය නොහැකි වුවහොත් ඒ සඳහා දඬුවම් පවතී. එනම් අදාළ පුද්ගලයාගේ නිවසේ කඩුල්ල හරහා කටු  සහිත කුඩුමිරිස අත්තක් හරහට තබා  තහංචි පේ කරනු ලබයි.එහිදී,

✦ගෙදරට අඟහිඟ ඉල්ලීම 

 ✦ලිප ගිනි ඉල්ලීම 

✦ගම සමග සම්බන්ධතා පැවැත්වීම 

✦පොදු ලිඳ හෝ නාන දියමංකඩ තහංචි කරනු ලැබේ.

මෙයට අමතරව,

💥යම් අයෙක් මරණයට තැත් කිරීම හෝ මැරීම 

💥තරුණ ගැහැණු ළමයින්ට කරදර කිරීම 

💥ගැබ්බර සතුන් දිගින් දිගටම දඩයම් කිරීම බලහත්කාරයෙන්  අන්සතු අඹුවන් පාවා ගැනීම 

💥සංහිඳ,දේවාල, කමත් විනාශ කිරීම 

💥පන්සලේ හාමුදුරුවන්ට හා දේපළවලට හානි කිරීම.

කරනු ලබන අයට තොවිල් පහ තහනම් කරනු ලැබේ. මෙහිදී විශේෂයෙන් දැක්විය යුතු වන්නේ අත්පා කැපීම, කසපහර දීම වැනි පැරණි රජ දවස පවත්වාගෙන ගිය දඬුවම් ක්‍රම වරිග සභාවෙන් පමුණුවන්නේ නැත. නමුත් යම් අයෙකුට අත්පා කපා දමනවාට වඩා තොවිල් පහ තහනම් කිරීම බරපතල දඬුවමක් ලෙස සලකනු ලැබේ.